Sania Mirza tan hlawhtlinna

Pasal a nei a, fa a nei leh bawk - chumi hnuah Sania Mirza chuan tennis khel lehin tunah chuan hlawhtlinna a chang leh ta. India tennis star hi Nadiia Kichenok nena ṭang dunin Hobart International-ah 

an champion.

Australian Open inbuat-saihna zinga pakhat Hobart International hi nimin khan khelh zawh a ni a, Indo-Ukrainian te hian Chineses nula Shuai Zhang leh Shuai Peng te ṭangdun chu darkar khat leh minute 21 chhungin 6-4, 6-4 in an hneh.

Kum 33 mi Mirza chuan, "Fa duhawm tak Izhaan Mirza Malik ka nei a, ka kiangah muin zanah vawi tam tak a harh ṭhin, hei chu nu nih hnua hriatthiam theih chauh a ni. Ka nuna mi pawimawh a ni a, ani hian infiamna kawngah min ti buai loin chona min siamsak zawk," a ti.

Doubles world number 1 hlui Mirza hi Australian Open-ah a inlan zui dawn. Melbourne Park-a inelna neihah hian Kichenok nen bawk hian an ṭangdun leh ang, an match hmasa ber atan Nilaini hian Chinese player Han Xinyun leh Zhu Lin te an 

hmachhawn ang.