Adidas Ads thar a dangdai

Infiamna khawvela inelna hi club leh club inkar chauh a ni lo a, bungrua leh thawmna siamtu company thlenga inelna a ni. Germany company lar 'Adidas' chuan tun hnai khan an boot thar tih lar nan advertisement video an ti chhuak a, an thupui chu 'There will be haters' tih a ni a, sawi zui a hlawh hle.

Adidas Ads tharah hian Barcelona star Luiz Suarez leh Real Madrid star Gareth Bale, Karim Benzema leh James Rodriguez te an in lan. Advertisement-in tarlan a tum chu 'sawiseltu/hawtu chu an awm zel ang, mah se adidas boot nen player-te an buai phah loh ang' tih a ni.

A fuh chiah em?

Uruguay forward Suarez hi adidias faknaah hian a langsar a, hei hi an sawisel chhan pawh a ni.

Suarez hian 2013/14 season-a Liverpool tana a khelh ṭhat avangin England-a professional player-te'n player of the year-ah an thlang a, football writers te'n fooballer-te ngaihdan hi an ṭawmpui bawk. Suarez hian football field-a a khelh ṭhat avangin hawtu a nei lo tih a chiang. World Cup-a England an hnawhchhuah ṭuma a khelh ṭhat avangin an fak bawk.

Amaherawhchu, Suarez hian field pawn lama ṭawngkam a thlah dah avangin sawiseltu a nei a, Italy defender Giorgio Chiellini a seh avangin an haw bawk. Chiellini hi Suarez-a football career-a mi pathumna a sehna a ni a, adidas-in Suarez chet mawi loh fak mawi zawnga hma an la hi mipui hriatthiam loh chu a ni.

A goal zel...

Suarez hian Bar­celona a zawm hnuah hming chhiatna a nei tawh lo a, Catalan club tan match 15 a khel tawhah goal 15 a khung tawh. Uruguay star ang bawka advertisemnt-a inlan khawvel player manto ber Bale chuan Pathiannia Real Madrid-in Getafe an hneh ṭumin boot thar hi a bun a, goal pawh a khung nghe nghe.

Adidas hian adizero f50, Predator, Nitrocharge leh 11pro-ah te version thar an tichhuak.