Coppa Italia quarterfinal-ah Roma

Roma-in Coppa Italia-ah quarterfinal an thleng a, amaherawhchu Thawhlehni zan khan Empoli hneh turin extra time an mamawh.

Stadio Olimpico-ah Roma-in bul an ṭan ṭha a, Douglas Maicon cross chu Juan Manuel Iturbe-a'n minute nganaah goal-ah a chantir a, October thla hnua Iturbe-a goal khung lehna hmasa berna a ni. Thla thum chhunga a vawikhatna atan English wing back Ashley Cole-a'n starting eleven a chang a, amaherawhchu field chhungah hun rei a cham lo. Minute 24-naah Cole hi Matias Vecino-a'n a khabe ah a pet sak a, lakchhuah nghal a ni.

Second half-ah Empoli-in an siphurh an sut a, hun tawp hma minute 10-ah Matias Vecino-a through ball chu Simone Verdi-a'n a pet goal a, minute 90 zawhah 1-1 a ni.

Extra time minute 113-naah Piotr Zielinski thlaktu Leandro Paredes penalty hlawh chhuah chu Daniele De Rossi-a'n goal-ah chantirin Roma 2-1 in an chak. Penalty an chawi avangin Empoli an lungawi lo a, amaherawhchu an thinrimna hian inkhel result a tih danglam phah lo.

Roma hian quarterfinal-ah Fiorentina leh Atalanta chak zawk zawk an hmachhawn ang.