Kar-li chawl tur Wayne Routledge

Tunhnai ah Swansea City damdawiin a lun hle, inhliam dam tawh chanchin lawmawm an nei dawn chauh a, inhliam dang an neih belh leh tawh!

Inrinni a Liberty Stadium a Chelsea in 5-0 a an sawp tuma inhliam an winger Wayne Routledge chu kar li tal a chawlh a ngai dawn. Routledge hi Liberty Stadium a Chelsea nen an inkhelh tumin first half ah hliam vangin lakchhuah a ngai a, mahse, an winger Aston Villa nen an inkhelh tuma inhliam Montero chu a dam that leh tawh avangin Swansea coach Gary Monk lu hai lutuk tur erawh a chhawk zangkhai ang.

Inhliam vanga Chelsea hmachhawn thei lo Leon Britton pawhin tunah chuan training a zawm ve leh tawh a, captain Ashley William erawh FA Cup fourth round a Blackburn Rovers an hmachhawn hunah dar hliam vangin a khel thei dawn lo a, mahse, karleh maiah lo kir leh thei tura beisei a ni.