Murray leh Federer te'n third round an thleng

Australian Open-ah player langsar an chak chhunzawm zel a, nimin khan Andy Murray leh Roger Federer te'n an khingpui hnehin third round an lut.

Seeded no. 6 Andy Murray chuan Portuguese Joao Sousa 6-2, 6-2, 6-4 in a hneh a, kum 25-a upa Murray hian chak turin darkar khat leh minute 41 a mamawh. Swiss star Roger Federer chuan a kutah hliam nei mahse Simone Bolelli chu 3-6, 6-3, 6-2, 6-2 in a hneh.

Hmeichhe lamah seeded pahnihna Maria Sharapova-i'n harsa takin Alexandra Panova chu 6-1, 4-6, 7-5 in a hneh. Panova hian match point ṭum hnih lai nei mahse a hman ṭangkai loh avangin Sharapova hian hnehna a chang ta a ni.