Benteke a chhuak dawn lo - Lambert

Aston Villa Striker Christian Benteke chuan tun January transfer-a an club a chhuahsan loh tur thu an manager Paul Lambert chuan sawi.

Lambert chuan, "Benteke hian chhuahna chance a nei lo a, kawng a inhawng hek lo. Tunah game a hrethiam ṭan mek a, tun dinhmuna Europe-a striker ṭha ber zing ami a ni. Amah hi kan club-a kan player manto ber a ni," tiin a sawi.

Aston Villa hian Premier League-a an match hnuhnung pangaah goal an khung lo a, table-ah 15-naah an awm mek.