Arsenal-in Bielik an la lut

Nilaini khan Arsenal chuan Legia Warsaw midfielder Krystian Bielik an lak luh thu an puang.

Kum 17-a upa Bielik hian nikum August thla khan Polish league sang ber a khel ṭan a, Polish midfielder hian Legia tan hian inelna hrang hrangah vawi sarih a khel tawh. Pathianni hian Arsenal-in FA Cup-ah Brighton and Hove Albion an hmachhawn dawn a, Bielik hian work permit a neih hman chuan London club tana a match hmasa ber a khelh theih beisei a ni.

Bielik hi January 4, 1998 khan Konin, Poland-ah a piang a, an khaw club Gornik Konin tan football career a ṭan. Kum 2012 khan Lech Poznan scout-in a hmu fuh a, 2014 khan Poznan hi Polish U17-ah a champion pui a, hemi kum vek hian £8,800-in Legia Warsaw a zawm.

Arsenal a zawm hian a man zat hi official-in puanzar ni lo mah se pound maktaduai 2.4 nia rin a ni.