Ronaldo hian Messi aiin Ballon D'Or a dawng tam ang: Zidane

Real Madrid legend Zinedine Zidane chuan 2014 Ballon D'Or dawngtu Real Madrid forward Cristiano Ronaldo chu a elpui ber Barcelona thiampuipa Lionel Messi aia Ballon D'Or dawng hnem zawk turin a dinhmun a ṭhat thu a sawi.

A hunlaia khawvel footballer tha ber pawl Zidane chuan Ronaldo hian Ballon D'Or dang a la dawng leh dawn a ni, a ti a, "Tuna a khelh dan en hi chuan planet hran aṭanga lokal emaw tih mai tur a ni a, tuna a khelh dan anga a khelh reng chuan Messi ai pawhin Ballon D'Or hi a la dawng hnem thei zawk a ni" a ti.

Real Madrid reserve team Castilla enkawltu, kum 42 a upa Zidane chuan Ronaldo mai nilovin a hnampuipa Karim Benzema a fak tel zauh a, "A ni pawh hi player ṭangkai tak a ni a, Cristiano te anga goal thun pup pup a, season khata goal 60 thun tur a beisei tur erawh a ni lo, mahse, team tan a thawhhlawk em em a, tupawh hi tha takin a khelhpui thei vek a ni" a ti.

Cristiano Ronaldo hian Ballon D'Or vawithum dawng tawhin Lionel Messi erawh chuan vawili a dawng tawh thung.

A hnuaiah hian FIFA World Player of the Year leh European Footballer of the Year/Ballon D'Or lo dawng tawhtute list hi en ila; Kum 2010 ah khan Ballon D'Or leh FIFA World Player of the Year te hi a hrana sem tawh lovin tih fin a ni.