Klitschko leh Jennings-te an inhnek dawn

World heavyweight champion lai Wladimir Klitschko chu kum sarih hnuah United States-ah inhnek turin a kir dawn a, a title humhim turin Bryant Jennings a hmachhawn ang.

Kum 38-a upa Ukrainian boxer Klitschko hi IBF, WBO, WBA leh IBO heavyweight champion a ni a, history-a belt pali a ruala chelh rei thei ber a ni. Klitschko hi April 25-ah Madison Square-ah Bryant Jenning nen an inhnek ang.

Nikum November khan Klitschko hian Bulgaria boxer Kubrat Pulev a knockout a, tun hi a inhnek leh hmasak ber tur a ni.

Klitschko chuan, "Game khirh leh harsa tak ka hmachhawn ngei a rinawm. New York-ah kum tam tak hnuah kan inhnek leh dawn a, hei hian min tiphur takzet a ni," a ti.

American boxer Jennings hian a hmachhawn tawh boxer 19-te chu a la hneh fai vek a, heng zinga boxer 10 hi a knockout a ni. Jennings chuan, "Boxer zawng zawngte hi chak lohna lai nei vek kan ni. Chuvangin hneh theih vek kan ni tih hi ka pawm dan a ni. Wladimir nen kan intum hunah ka theihna sang ber ka lantir ang," tiin a sawi.

Klitschko hian a khingpuite ṭum 63 a tlawm tawh a, ṭum thum a chak lo tawng thung. Chutihrualin Ukrainian boxer chak loh hnuhnun ber hi kum 11 liam ta kha a ni.