Mizoramin final an lut

Guwahati-a neih mek Khelo India-ah Mizoram chuan nimin khan Under 17 football-ah Punjab 1-0 a hnehin final an lut. June 21, Thawhlehnia final-ah Mizoram hian inelna thlengtu Assam an khel ang. 

Mizoram tan hian Laldinpuia chuan penalty aṭangin goal awm chhun a khung. Kum 2018 khan Mizoramin Under 17 football-ah gold medal an la a, nikum khan Under 21-ah gold medal an la leh bawk.

Under 21 hmeichhe hockey-ah erawh Mizoram an vanduai a, 3-0 a hma an hruai hnuah Jharkhand-in an siphurh an sut zo. Penalty hmanga chak zawk zawn niin Jharkhand an vannei. Boxing-ah Mizo boxer quarterfinal lut pariat aṭangin pathumin semifinal an thleng. Vawiin hian Franky H. Vanlalruatpuia (44-46 kg), Laldinsanga (48-50 kg) leh C. Lalhruaitluanga (66-70 kg) te an inlan ang.