Stamford Bridge-in League Cup-a Kan dinhmun a hril ang: Courtois

Chelsea goalkeeper Thibaut Courtois chuan karleh lama League Cup Semi Fianl second leg an khelmual Satmford Bridge a an khelh hunah an tlang ngei a rin thu a sawi.

Season hmasa a Atletico Madrid Champions League final thlenpuitu Courtois chuan Stamford Bridge a an inkhelh hunah fans te support na a pawimawh dawn thu sawiin, fans lam aṭanga thlawpna an hmuh ṭhat phawt chuan League Cup final lut turin Liverpool an hneh theih thu a sawi a ni.

League cup semi final first leg Anfield a an khelh ṭumin Chelsea hi an chakzo lo a, Andfield ah Eden Hazard penalty chhawr ṭangkaiin hma hruai mahse Liverpool rawlthar duhawm Raheem Sterling chuan an siphurh rawn sutin 1-1 in an ṭin a ni.

He inkhel hi thlir kir-in Belgian keeper duhawm Courtois chuan "Hetiang game ṭang khelh hi chu a nuam ṭhin em em, second half lama Liverpool in chance an rawn neih dan te thlir chuan draw result kan hlawhchhuak thei kha kan lawm tur a ni" a ti a, "Mahse tunah chuan kan khelmualah kan khel tawh dawn a, he inkhel hi final ang maia pawimawh a ni dawn a, fans te min thlawp ṭhatna kan hmuh phawt chuan Wembley ah kan kal ngei ka ring a ni" a ti.

Chelsea hian 2007-08 season League Cup final a Tottenham laka 1-2 a an tlawm hnu khan League Cup final an la khel leh rih lo.