Pep Guardiola contract pawtsei turin Bayern an hmanhmawh lo

Player hlawhtling tak anih hnua coach hlawhtling tak ni chhunzawm thei Pep Guardiola chuan Bayern Munich a a contract neihlai a la pawtsei rih mai dawn lo. Mahse, hei hi amah Guardiola an contract a pawhsei duhloh vang lam nilovin amah ruaitu Bayern Munich an hmanhmawh rihloh vang zawk a ni.

Bayern a kum khat enkawlna a Bundesliga, DFB-Pokal, UEFA Super Cup lehFIFA Club World Cup te a champion pui nghal theitu Guardiola hian tuna a contract angah chuan thla 18 chiah Allianz Arena ah hian hun a nei tawh a ni.

Barcelona a enkawl laia Club champion theihna zawng zawnga champion Pep Guardiola hian tun season ah Bayern hi a chet ṭhat pui leh hle a, tunah hian DFB-Pokal leh UEFA Champions League ah te champion thei dinhmunah la dingin Bundesliga ah point 11 laiin an sangfal tawh bawk.

Hetiang a ni chung hian Bayern Munich chairman Karl-Heinz Rummenigge chuan "Contract pawhsei chungchang hi tunhnai ah chuan kan la sawipui rihloh tur thu Pep hi ka hrilh tawh a ni" a ti a, 2012-13 season a treble champion nihpuitu Jupp Heynckes thlaktu chungchang hi sawi chhunzawmin Rummenigge chuan " Nipui a lo thlen hma chuan contract chungchang hi kan sawipui rih lo ang, he hmunah hian a duh chen chen a cham thei a ni. Pep te ang hi chu mahni hmalam hun ngaihtuaha sum leh pai a buai vak chi anni lo a, a ni chuan 'tun hun' hi a dah pawimawh ber a, chu chu ka zahsak em em a, cocah ropui tak a ni" tiin a tlip a ni.