Coupe de France last 16 ah Khel ṭha lo PSG

Nilaini zani inkhelah Paris Saint Germain chuan Edison Cavani leh Javier Pastore te goal thun chhawr ṭangkaiin Bordeaux 2-1 in an tlawm a, Coupe de France last 16 an lut.

PSG hi a chak zawkah ṭang mahse, an khelin beisei a phak lo hle a, Ligue 1 lama an result an hat tawk loh bawk avangin coach Laurent Blanc dinhmun a der­thawng sawt hle.

Inkhel dangah AS Monaco leh champion lai Guingamp ten awlsam takin an khelmualah ah Evian leh Chateauroux 2-0 ve ve in an tlawm a, Saint-Etienne-in 5-3 in Tours an hneh bawk.