Hmasawn chak inti Lahm

Bayern Munich Captain Philipp Lahm chuan inhliam vanga rei tak a chawlh tawh hnua ṭhat lam a pan zel chu lawmawm a tih thu a sawi.

2014 World Cup a Germany champion puitu Philipp Lahm hian nikum July thla khan Club tana kum tam zawk a inkhelh theih beiseiin International Football a chawlhsan a, mah se November thla khan training naah a ke ding lamah hliam a tuar hlauh a, thla thum chhung inkhel thei lo tura ngaih a ni.

Mahse, a beisei aia hmain Lahm hian hma a sawn chak a, tunah hian tiang hawl ngai loin a awm tawh a ni.

Hetih lai hian Bayern Vice Captain Bastian Schweinsteiger paw'n a ke ruha hliam tenau a neih chu dam leh tawhin, training a zawm ve leh tawh a, Bayern player tho Mario Gotze-a hliam tenau neih pawh a dam tawh a ni.

Bayern Munich hian chanchin lawmawm an neih belh zel a, an defender Mehdi Benatia pawh a hliam aṭangin kir thuai tura beisei a ni.