Man City-a Bony chet ṭhat ringtu Sergio Aguero

Manchester City striker Sergio Aguero chuan Swansea atanga an club zawmtu Swansea City striker hlui Wilfried Bony chu Etihad Stadium ah a buai a rin loh thu a sawi.

Ivory Coast Interna­tioanl striker hian pound maktaduai 28 in tun thlasik transfer ah Man City hi a zawm a, tunah hian Etihad Stadium ah a la inpulut chiah lo a, an ram Ivory Coast tan Africa Cup of Nations khelin a thangbo mek a ni.

City hian tlar hmaah Sergio Aguero, Edwin Dzeko leh Stevan Jovetic te an neih avangin mi tam tak chuan Bony hi an mamawh lo niin an sawi a, heng ho zinga khel phak tura beih hi a tan hautak dawn hle, mahse, a teammate tur Aguero chuan reilote ah Swansea-a a season hmasa bera goal 25 khung thei Bony hian City ah a hmun a sual chhuah mai a ring a ni.

Aguero chuan ''Bony te ang class player kan sign chuan kan hlimin, team a ti phur thin a, team pawhin nasa takin hma a sawn phah thin a ni'' a ti a, Aguero chuan Bony chu English Footballl lo hmelhriat tawh sa anih avangin a team thar ah a buai a ringlo a, a pawimawh ber erawh a team mate thar te nena thawhho na tha an neih anih thu a sawi.

Aguero hi thla khat chhung khup hliam vanga a chawlh hnuah City Starting XI ah Pathianni a an home a 0-2 a Arsenal an hneh loh tumin a lo kir leh a, 100% in la fit chiah lo mahse, hun a duh rei a ring tawh lo tih sawiin ''In fit leh tak tak tur chuan match ka khelh tam a ngai dawn a, ngai awh leh tur chuan inkhelh hnem hi a pawimawh em em a ni. Mahse, ka inkhelh leh khelh lo a thutlukna siamtu tur chu manager a ni e" a ti.