Trezeguet a chawl ta

World Cup 1998 leh Euro 2000-a France champion puitu striker David Trezeguet chuan Thawhlehni khan football khelh a chawlhsan tiin Argentine chanchinbu Clarin chuan ziak.

Clarin-in a tarlan danin kum 37-a upa Trezequet-a agent chuan France striker chawlh chungchanga thuthang awm hi a dik tih a nemnghet.

Trezequet-a pa hi Argentine a ni a, a pianna erawh France a ni. Argentina-ah seilian mah se kum 1995 khan French club AS Monaco a zawm. Kum 2000 khan Juventus a zawm a, Italian club lian tan hian kum 10 chhung khelin match 245-ah goal 149 a khung.

Kum 2010-ah Juven­tus a chhuahsan a, Argen­tine club River Plate leh Newell's Old Boys tan a khel chhunzawm a, a hun tawp erawh Indian Super League club Pune City tan a hmang thung.