Chelsea nena an inthlauhnain Hart a tibuai pha lo

Manchester City keeper Joe Hart chuan Premiere league title la tura an inumna kawngah Chelsea chu anni aiin point nga laiin sang mahse an la umphak leh vat a rin thu a sawi.

Kar hmasa a Etihad stadium a Arsenal an hnehloh vangin City hian point nga laiin Chelsea an umphak tawh lo a ni. Mahse, Etihad a an tlawmna hian Hart a ti hnual ve mai lo a, City keeper chuan "Hei hi Premiere league a ni tih kan hriatreng a ṭul, tun hma in tuna kan dinhmun angah hian kan lo ding tawh ṭhin a, mahse a tawpah chuan kan champion leh ṭhin tho a ni" tiin season thum lai an lo champion tawhna chu a thlir kir.

England international goal keeper chuan sawi belhin " Hmanni a kan inkhel ringawt kha thlir lovin tun season a kan khelh dan te kan en chuan kan khelh ṭhat hi a tam zawk a ni a, khelh chhiat chang nei mah ila ṭha takin kan lo kir leh ṭhin, FA Cup ah Middlesbrough hneh turin kan inbuatsaih anga, hemi zawhah hian Chelsea khel turin kan inbuatsaih lehnghal anga, ṭha taka khelh kan tum dawn a ni" a ti.