MSL Playoff a hnai

Zonet leh Mizoram Basketball Association (MBBA) ṭangkawpin an buatsaih tur Mizoram Super League play-off boruak a lian chho ṭan zel a. Zarkawt Recreation Center Basketball Court-ah January 27, Thawh­lehni aṭangin Playoff hi khelh ṭan tur a ni.

Playoff-ah team panga an tel dawn a, chung teamte chu Bethlehem BC, Chawnpui VR4, Hollow BBSP, KK BC leh Tuikual South BC te an ni.

Playoff kalphung

Team panga te hi vawi khat ṭheuh an inkhel chhuak ang a, a sang paliin semifinal an lut ang. Semifinal-ah point hmu sang ber leh palina an inhmachhawn ang a, inkhel pakhat zawkah pahnihna leh pathumna an inkhel thung ang. Semifinal-a chakte hian final an khel leh ang. MSL-ah team pakhat chauh an tling dawn avangin Playoff-a champion chauhin Mizoram basketball inelna sang ber hi an khel thei dawn a ni.