Chawnpui an zam lo

Khawtlang mipui an phur a, YMA leh veng chhung NGO hrang hrang te thlawpna an hmu ṭha a, Chawnpui khawtlang an phur hle. Chawnpui VR4 hian MPL Playoff ah a tikimtu mai mai nih an tum lo a, Mizoram Super League khelh ngei an tum. Kar hnih chhung chu tlai tin an practice tawh a, an inbuatsaih ngawrh hle.

Rawlthar rual Chawnpui

Chawnpui hian Kanan Veng aṭangin K. Vanlalruata an lalut a, a ni hi an star player tur a ni ang. An veng tlangval Lalnunmawia Sailo hi team tana innghahna tham khawpa player ṭha a ni a, enliam mai chi a ni hauh lo ang.

Chawnpui VR4 players tam zawk hi naupang te te lakkhawm an ni a, mahse hei vang hian zuam ngawt chi anni hauh lo ang, Coach-cum-player anga khel tur Upper Kanan chhulchhuak Lianhmingmawia'n a ho dawn tlat!

Chawnpui VR4 manager Laltlanmawia chuan Vanglaini palai zawhna chhangin, "team han huphurh em em kan nei bik hran lo, players te an thawkrim a, theihtawp kan chhuah dawn a, MSL ah hian tlin ngei kan tum a ni," a ti a, vengchhung mipui te'n an match hmasa berah an ṭawiawm a beisei thu a sawi bawk.

Chawnpui VR4 hian January 28, Nilaini tlai dar 3:00-ah an Playoff match hmasa berah Bethlehem BC an hmachhawn ang.

Player leh Official-te :

1 R. Lalawmpuia Chawnpui

2 Lalnunmawia Sailo Chawnpui

3 K. Lalrammawia Aizawl Venglai

4 Lalrokima Chawnpui

5 Zorinmawia Pachuau Chawnpui

6 Zodinpuia College Veng

7 Zorema Chawngthu Chawnpui

8 R. Lalrinawma Dawrpui

9 Lalawmpuia Pachuau Dawrpui

10 H. Lalthangliana Chawlhhmun

11 K. Vanlalruata Kanan

12 Lianhmingmawia Upper Kanan

13 Lalthanmawia Saron

14 K. Lalchhuanawma Dawrpui

15 C. Lalchhanhima Dawrpui

16 Zorinpuia Hrahsel Ramhlun Venglai

17 Peter Lalrinmawia Ramhlun North

18 K. Lalnunsanga Saron

Coach: K. Vanlalruata Kanan

Asst Coach: Lianhmingmawia Upper Kanan

Manager: Laltlanmawia Chaltlang