Bethlehem-ah player tha

Basketball-ah Bethlehem Veng hming a langsar ngai lo, amaherawhchu MSL Playoff-ah he veng basketball club hi mipui ngaihven an ni. Bethlehem BC hian Manipur player HSK Tinku Singh an la lut a, ARC Shillong player hi team chakpui thei player a ni.

Bethlehem hian MSL khel phak ngei turin ṭan an la nasa hle a, ARC Shillong aṭang hian Tinku bakah Mizo player pahnih Kolasib tlangval RL Famkima leh Lalhmachhuana, Ramthar Veng tlangval te chu an lalut tawh a, tih mai mai an tum lo. December thla aṭang khan tlai tin an practice tawh a, krismas leh kumthar bawr vela ni li vel an chawl tih loh chu an la practice ngat ngat a ni.

Manager kamchhuak

Bethlehem BC president leh manager ni bawk Emmanuel L. Ralte chuan , "Kan inbuatsaihna a ṭha a, khawtlang mipui an phur a, han huphurh em em hi kan nei bik lo. Tunah hian MSL qualify ngei turin kan inbuatsaih a, kan tlin ngei pawh kan ring a ni" a ti.

Emmanuel hian Vanglaini palai a hrilh danin YMA, MHIP leh NGO hrang hrang, local council thlawpna an neih ṭhat thu a sawi a, supporter ṭhahnem takin an inkhelh hunah an ṭawiawm a beisei thu a sawi bawk.

Bethelehem hian January 27, Thawhlehni tlai dar 3:00-ah Playoff match hmasa berah KK BC an hmachhawn ang.

Player leh Official-te :

1 Vanlalthafamkima Khatla E (ARC)

2 Lalruatfela Hnamte Khatla S (ARC)

3 F. Lalsangliana Kolasib

4 C. Lalawmpuia Kolasib

5 Christian Lalruatfela Bethlehem

6 Zonunsanga Tuikhuahtlang

7 RL Famkima Kolasib (ARC)

8 Master Harsminder Singh Bethlehem

9 C. Lalchhandama Republic

10 David Lalthlamuana Chawnpui

11 Tinku KSH Singh Shillong (ARC)

12 Lalhmachhuana Ramthar (ARC)

13 Vanlalruata Bethlehem

14 C. Lalrinnunga College Veng

15 C. Lalhmangaiha College Veng

16 Lalduhawma College Veng

17 Vanlalchhuanpuia ITI

18 Raldy Vanlalrinfela Bethlehem

Manager : Emmanuel L. Ralte, Bethlehem

Coach : Samuel Malsawmkima, Bethlehem

Asst Coach: K. Lalthazuala, Bethlehem