Saints hmaa ding tur Crystal Palace
Zanin dar 8:30 ah Southampton in an khelmualah Crystral Palace an lo mikhual dawn a, tun hnaia Sainst ho khelh dan en chuan Crystal Palace tan St.Mary's-a Ronald Koeman-a naute tum hi thil huphurhawm a ni ngei ang.
Season ṭan dawn khan Southampton hi an players ṭha leh coach ten an chhuahsan a, Dutch coach Ronald Koeman an lalut. Beisei phak baka ṭhain he Dutch coach hian a chetṭhatpui a, fan-te an phur hle. Darkar 24 chhungin Crystal Palace nena an match khelh tura an ticket zawng zawng hi an hralh zo nghal vek!
Liverpoool kal tluanglai tihtawp tumtu Bolton
Tun hnai match kua an khelha chak loh la tawnglo Liverpool kal tluanglai tihtawp tumin Anfield-ah Bolton Wanderers an zin dawn. Zanin dar 8:30-a inkhel tur Liverpool leh Bolton hi FA Cup ah vawi 11 intum tawhin Liverpool vawi thum an chak a, Bolton vawi ruk chakin vawi hnih an in draw thung a, Bolton record a ṭha zawk.
Mahse, tun hnaia khel ṭha tak Liverpool an home a hneh tur hian record-in awmzia a nei kher lo ang. Liverpool tan inhliam Joe Allen, Glen Johnson, Mario Balotelli leh Dejan Lovren te'n training an zawm leh tawh a, Liverpool tana chanchin lawmawm hi Bolton tan hriat nuam a ni hauh lo ang le.