Vawiinah R-Day Hockey final
Vawiin hian 1st MAP Parade Ground, Armed Vengah Republic Day Hockey Tournament mipa leh hmeichhe final khelh a ni dawn a; Kawngpui team pathum kan hmu dawn!
Nimina hmeichhe lam semi final-ah Kawnpui Venglai Sporting Club chuan 4-0 in Ruby Ropuiliani Hockey Club an hneh a, Zemabawk North HC-in Muthi GSA 2-0 in an hneh ve bawk. Vawiin dar 12:30-ah Zemabawk North HC leh Kawnpui Venglai-te hian final an khel ang.
Mipa inelna lamah Kawnpui team pahnihin final an khel dawn. Nimina semi final-ah Kawnpui Venglai SC chuan 4-0 in Aizawl DEF an hneh a, Kawnpui Hmar Veng chuan 7-1 in 1st MAP an hneh bawk.