Leceister-in Spurs an lehthal

Injury time-a Jeffrey Schlupp volley goal hmangin Leceister City-in White Hart Lane-ah Tottenham Hotspurs an hneh a, FA Cup fourth round an paltlang.

Premier League club pahnih inkhelah hian minute 19-na lekah Andros Townsend chuan penalty aṭangin Spurs goal hmahruai a khung.

Spurs hian an game hnuhnung 11-ah vawi khat chiah hneh loh an tawng a, chak zawk tura rin an ni. Nimahsela minute 83-naah Leicester forward Leonardo Ulloa chuan tun season-a a goal kuana a khung a, 1-1 a ni. Injury time-ah ding lam aṭanga Danny Simpson-a cross chu Schlupp-a'n volley goal-in chaka rin loh zawk Leicester City 3-1 in an chak daih.

Tottenham boss Mauricio Pochettino chuan, "Hun tawp dawn hnaia ṭum hnih kan tihsual vangin kan chak lo. Football-ah chuan tihsual a awm tur a ni a, amaherawhchu kan chak loh danah ka lawm lo takzet a ni," tiin a sawi.