Anfield-ah Liverpool par zo lo

Inrinni zanah Bolton Wanderers tlar hnung a phui ṭha a, Liverpool lakah goal an chhuah lo a, goal an khung theih bik loh avangin replay an khelh a ṭul dawn a ni.

Anfield-a Emile Heskey kir zan hian Liverpool-in inkhel an thunun a, Bolton goalkeeper Adam Bogdan chu team chhanhim tu a ni. Liverpool tlar hma Philippe Coutinho, Fabio Borini leh Raheem Sterling-te goal khung tur chu keeper Bogdan-a'n a dan sak. Mualneitu hian chance ṭhahnem tak an hlah a, an penalty niawm tak pek an ni lo bawk.

Liverpool manager Brendan Rodgers chuan, "Inkhel hmuhnawm tak kan lantir a, kan khelṭha takzetin ka hria. Goal khung tumin kan theihna zawng zawng kan chhuah a, kan duh ang result hlawhchhuak lo mah ila ka player-te kha ka chhuang tak meuh meuh a ni. Tunah hian inelna aṭangin kan la tla lo a, inelna hlu tak a nih avangin chak zel kan duh a ni," tiin a sawi.