Naktukah MSL playoff
Mizorama Basketball inelna sang ber tur Mizoram Super League Playoff chu naktuk hian khelh a ni dawn ta.
MSL playoff khel tur hi team pangnga an ni a, heta ṭang hian pakhat chauh an tling dawn. Tlin tum ṭhah, sum leh pai, tha leh zung tam tak senga inbuatsaih ngawrh em em club-te hian chak ngei an tum vek dawn - hei vang tak hian a hmuhnawm ang.
January ni 27 chawhnu dar 1:00 a khelh ṭan tur MSL playoff hi Zarkawt Recreation Centre Basketball Court ah a en theih ang - final hi February 5-ah khelh a ni ang.
Tuikual S ah India junior player hlui!
Khawtlang mipui ber an phur hi chuan players tan phur loh a harsa! Chu chu tuna Tuikual South Basketball Club dinhmun a ni. Veng chhung mipui an phur a, an ṭangrual a, sum pawh an inseng hnem!! Delhi aṭangin India junior team tan pawha lo inlan tawh ft 6 a sang Ravi Kant leh ft 6 leh inch 7 a sang Rakesh te an la lut! Tuikual S Captain a inpeih!
Tuikual South hi an vengchhung tlangval F.Zodinthara captain na hnuaia inkhel tur anni a, ani hi team chawk phur thei tur khawpa player ṭha a ni.
Tuikual South Captain chuan Vanglaini palai zawhna chhangin, "Veng chhung mipui ṭangrualin an din kan nih avangin players pawh kan inlungrual a, inkhel turin kan inpeih tawh, " a ti. Tuikual S Captain chuan January 5 aṭang khan an practice thu a sawi.
Tuikual hian January 27, Thawhlehni tlai dar 1:00-ah Playoff match hmasa berah Hollow BBSP an hmachhawn ang.
Player leh Official-te :
1. Lalchhanchhuaha Tuikual South
2. Lalfakzuala Tuikual South
3. Lalremruata Tuikual South
4. Lalrinchhana Tuikual South
5. Lalhmingmawia Tuikual South
6. David Lalnunsanga Venghnuai
7. Ravi Kant Delhi
8. K.C. Lalliantluanga Armed Veng
9. Rakesh Delhi
10. Lalruatpuia Ramhlun
11. Steve Romuana Chanmari West
12. F. Zodinthara Tuikual South
13. C. Malsawmkima Ramhlun N
14. Lalrohlua Tuikual South
15. Lalremruata Tuikual South
16. C. Lalfakawma Luangmual
17. Vanchuangpuia Armed Veng
18. H. Lalzawmliana Chawnpui
Coach: K.C. Lalliantluanga Armed Veng
Manager: PB Lalthlamuana Tuikual South
2009-a khelho tawh Hollow BBSP
Hollow BBSP hian veng chhung mipui emaw, NGO emaw chhuan tur an nei hran lo; nimahsela 2009 aṭanga khel ho tawh an nihna erawh chuan a ti 'confi' khawp ang!
Ṭhianho intelkhawm din Hollow BBSP hian an ti mai mai lo, MSL playoff khel tur hian thla khat chhung chu an practice tawh.
School exam in a tihbuai Hollow!
Hollow BBSP hian an elpui tur team dang angin star player sawi tur an nei hran lo a, rawlthar tha za rual an ni.
Vanglaini zawhna chhangin Hollow Asst coach Jacob Liantluanga chuan, "Team dang angin star player kan nei hran lo, mahse, 2009 aṭanga lo khel ho tawh kan nihna hi kan chakpui tur chu a ni," a ti.
An nau ṭhenkhat an chhuan deuhte chu school exam lai a nih avangin an chhawr theilo ang tih an hlauhthawn thu a sawi.
Hollow hian January 27, Thawhlehni tlai dar 1:00-ah Playoff match hmasa berah Tuikual South an hmachhawn ang.
Player leh Official-te :
1. Samuel Lalthlamuana Chanmari
2. Laldinkima Hauhnar Nursey Veng
3. Michael Lalrammawia Bungkawn
4. Lalremruata Bethlehem
5. Malsawmkima Chanmari
6. B. Malsawmkima Ramthar
7. V. Lalbiakmawia Thuampui
8. Jerome Lalhriatpuia Mission VT
9. Lalrammuana Sailo Chanmari
10. Zonunsanga Ramthar
11. Diamond Lalhruaitluanga Ramthar
12. Simon Lalmuankima Khatla South
13. Samuel Lalfakawma Ramthar
14. Lalnunpuia Renthlei Bungkawn
15. Lalsangzela Luangmual
16. Lalthazuala Bungkawn
17. David Zothankima Bungkawn
18. Vanlalhriatpuia Nursery veng
Coach: Samuel Lalthlamuana Chanmari
Asst Coach: Jacob Lianthluanga Chanmari
Manager: Malsawmdawngliana Chanmari
KK Basketball Club
KK Basketball Club tia kan hriat lar MSL Playoff khel tur club hi an club hming lampum i hre duh em? Kawngkual Basketball Club tihna! Mahse, inkhelh hunah hmingin awmzia a nei dawn lo, hei vang hian KK Basketball Club hi an ṭang hle.
December aṭang khan zing leh zan-ah an practice ṭan tawh a, basketball court an chan ṭhat theih loh avangin duhthusam erawh chuan an practice thei lo. He team hian veng behchhan an nei hran lo. Mahse, an club-ah Vaivakawn mi leh sa an tam avangin Vaivakawn Club ang pawha sawi theih an ni.
Hei vang hian Vaivakawn veng mipui thlawpna an hmu ṭha ang.
Senior leh junior inchawhpawlh KK
KK Basketball Club hi ṭhianho intelkhawm annih avangin an inlungrual a, hei tak hi an chakna tur pakhat a ni ang.
An players tam zawk hi rawlthar ni mah se senior players 1st divison-ah pawh sulhnu lo nei ṭha tawh Vansangkima leh Zoramsanga te'n an ho dawn, an zam mai lo ang.
Team hi team tan innghahnatlak a ni a, ani kaihhruaina hnuaia Vaivakawn lam mi Lalthantluanga, Lalruatdika leh Mission Veng aṭanga an lak A. Rochuangkima te'n an khel tur hi hmuh a chakawm khawp ang.
Vanglaini palai zawhna chhangin captain Alexander Lalrempuia chuan, "Team han huphurh em em kan nei hran lo, tuna MSL playoff khel turah hian mipui rin loh ber kan ni hial maithei a, mahse hei tak hi kan tan a ṭha, pressure awm miah loin nuam ti takin kan khel thei dawn a ni, " a ti.
An tum hmasak ber tur Bethlehem BC chungchanga zawhna chhangin, "Anni hi players an inla ṭha nasa a, state pawn aṭang hial pawha players la an ni a, an ṭha khawp ang, mahse kan inbuatsaihna a ṭhat avangin tumah hi kan hlau bik lo, " a ti.
KK Basketball club hian January 27, Thawhlehni tlai dar 3:00-ah Playoff match hmasa berah Bethlehem BC an hmachhawn ang.
Player leh Official-te :
1. Alexander Lalrempuia Vaivakawn
2. Zoramsanga Kanan
3. Fedrick Lalnunpuia Lunglei
4. R. Lalremruata Chawnpui
5. A. Rochuangkima Mission Veng
6. Lalramnghaka Hunthar
7. Zothansanga Chawnpui
8. Joshua Lalhlenchhuaka Zonuam
9. Lalremtluanga Hunthar
10. Richard MS Dawngliana Vaivakawn
11. H. Lalrinnunga Vaivakawn
12. Lalrinchhana Zotlang
13. Zothanpuia Zotlang
14. Malsawmzela Vaivakawn
15. Malthantluanga Vaivakawn
16. Vansangkima Chawnpui
17. Lalruatdika Vaivakawn
18. Barry Rosangzuala Vaivakawn
Coach: Zodinpuia Sailo Chawnpui
Asst. Coach: Jonathan Lalmaka Vaivakawn
Manager: CS Laldawngliana Zarkawt