Juventus an fâl zel

French midfielder Paul Pogba chuan Pathianni zana Juventus-in Chievo 2-0 a an hneh ṭumin goal khat a khung a, Stephan Lichtsteiner khung tur a siamsak bawk.

Serie A-ah Juventus hian vawi 20 khelhah point 49 hmuin hmahruaitu an ni mek a. Inkhel dangah pahnihna Roma leh Fiorentina 1-1 a an inhnehtawk avangin champion lai Juve hi point sarihin an fâl tawh.

Sampdoria-in palina dinhmun hauh chhunzawm turin Palermo nen 1-1 in an inhnehtawk a, an player thar Samuel Eto'o pawh inkhel entu zingah a tel.

Cameroon forward hian Pathianni khan medical a patlang a, nimin khan contract a ziak fel. Eto'o hian August 2014 khan free transfer-in Everton a zawm a, season tluanin inelna hrang hrangah goal li chauh a khung.