Player of the match Nico

Spain tana goal hmahruai khungtu Nico Williams chu final inkhela Player of the Match atan thlan a ni a, England tlarhnung tan mangchhia a tling. Athletic Bilbao forward hian tun inelnaah match ruk khelin goal hnih a khung a, assist vawi khat neiin, minute 494 khelmualah hun a hmang.

Nico chuan, "Tun dinhmunah chuan kan hnathawh hi sawifiah dan pawh ka thiam lo. Footballer zawng zawng duhthusam ram chu kan chen mek a, a tira ka chunga rinna nghattute tan he hun hi ka hlan - thawnthu thar kan ziah avangin ka hlim takzet.

"Ka team tana a ṭangkai thei ang ber nih tumin theihtawp ka chhuah reng a, tunah chuan tun hma aia hriat hlawhin, mi zah kai ka ni ve ta. Min ngaihhlutna hi ropui ka ti a, ka position-a player ṭha ber ni turin, rim takin ni tin ka thawk a ni," a ti a, a la duhtawk lo.