MPL11-ah goal 26 a lut tawh

LZ Juice MPL11-ah round 2 khelh zawh a ni tawh a, goal 26 lut tawhin match tina 3.25 goal lut ang a ni. Ramhlun Athletic striker Felix Lalruatsanga leh Aizawl FC winger Augustine Lalrochana ten goal li ve ve an khung tawh a, top scorer an la ni mek.

Kumin MPL hi ṭum dang aiin an ṭan hma a, Santosh Trophy leh I League inelna ṭan hmaa zawh tum a nih avangin a rei dawn lo. Season liam ta khan league round match 56 aṭangin goal 161 a lut a, match tina goal 2.88 lut ang a ni.

Chutihrualin MPL10-ah khan round hnih khelh zawhah goal 29 a lut a, tun season aiin goal thumin a lut tam. Team pariat dinhmun thlir chuan MPL11-ah hian goal a luh tam zawk a rinawm a, July 17, Nilaini aṭanga khelh ṭan tur round 3-ah pawh hian goal a lut chhunzawm turah a ngaih theih ang.