I Day Veteran Football: July 19 thleng entry fee a pek theih

MFA-in I Day Veteran Football Tournament 2024 a buatsaih dawn a; veng, khua leh club a duh tan theih theih a ni. Inelna hi August thla tira khelh tur a ni a, ruahman dan chuan group league-a khelh tur a ni ang.

Entry fee hi Rs 2000 a ni a, security deposit-ah Rs 10,000 dah a ngai bawk. Entry pek rual hian security deposit hi pek nghal tur a ni a, inelna hmachhawn duh tan MFA Office, City Park-ah July 19, Zirtawpni tlai dar 4:00 thleng entury fee hi a pek theih.

Veteran football-ah hian khelh dan phung bik a awm a, tun ṭumah hian playing XI-ah kum 40-44 inkar mi panga (1984 leh a hmalama piang chin), kum 45-49 inkar mi pali (1979 leh a hmalama piang chin) leh kum 50 chunglam mi pahnih (1974 leh a hmalama piang chin) an awm ngei ngei tur a ni.

Player registration form hi MFA Office,City Park aṭangin pdf/hard copy lak theih a ni ang. Player inziahluh theih zat hi a tam berah player 30, a tlem berah player 18 a ziahluh theih. Registration Form hi July 26, Zirtawpni tlai dar 4:00 thleng MFA Office-ah thehluh theih. Registration Form thehluh rual hian Aadhar Card/Voters ID attested photo copy thehluh tel tur a ni ang.

Player Registration endikna atan Voters ID emaw Aadhar Card emaw hman tur a ni a, hrechiang duh tan Secretary, Veteran Committee (9957442488 / 7005465242) hnenah ah zawhfiah theih a ni.