Balotelli a chhuak dawn lo - Rodgers

Liverpool manager Brendan Rodgers chuan January transfer-ah Mario Balotelli chhuah loh tur thu a sawi.

Italian forward Balotelli hi FA Cup-a Bolton Wanderers nena goal awm loa an inhnehtawk ṭumin squad-ah a tel lo. Tun season-ah vawi riat lek starting eleven a la chan avangin chhuak tura sawi a ni a, Serie A club Lazio nena sawi zawm a ni.

Rodgers chuan, "Balotelli hian hun harsa tak a hmachhawn mek a, chutihrualin awm ṭha duh lo erawh a ni lo. Player dang pawhin khelhna hmun chan loh chang hi chu an nei fo a, khelpha tur chuan rim lehzuala an training a ngai a ni. An theihna an lantir phawt chuan khelhna hmun chu ka pe em em ang," tiin a sawi.

Liverpool hian nizan khan League Cup semifinal-ah Chelsea an hmachhawn.