Hremna lakah Real Madrid an la fihlim zel

28th January, 2015

FIFA chuan kum 18 aia naupang lak luh danah Real Madrid an endik a, khawvela football thuneitu sang FIFA hian hremna thuchhuak an la nei lo.

Real Madrid director of public relations Emilio Butragueno chuan, "FIFA nen hian player naupang lak dan chungchangah inremna kan ziak a, hemi chungchangah hian ṭha takin kan thawhpui ang. Real Madrid hi endik kan nih avangin kan hlauthawng lo," tiin tihsual an neih loh thu a sawi.

FIFA aiawh thupuangtu chuan, "Tun thleng chuan hremna tura tihsual an neih kan la hmu lo, hei hi tuna kan puan theih chin chu a ni," a ti.

Real Madrid hmelma Barcelona chuan FIFA endikna an paltlang zawh loh avangin hrem an tawk tawh a, Catalan club hian kum khat chhung chu player an la lut thei dawn lo.