MSL Playoff Tuikual South leh Bethlehem an chak nghal
Mizoram Super League playoff chu nimin khan Zarkawt Recreation Center-ah khelh ṭan a ni a, a ni hmasa ber aṭangin mipuiin an hlut nghal hle.
Playoff match hmasa berah hian Tuikual South-in South-in Hollow BBSP 74-61 in hneh a. Inkhel hnuhnung zawkah Bethlehem BC-in an khingpui KK Basketball Club te 73-62 in an hneh ve bawk.
Tuikual South-in fiahna an paltlang
Tuikual South-in sum leh pai an seng thlawn lo. Delhi lam chhuak India junior team tan pawha lo khel tawh Rakesh Sangwan leh Ravi Kant te fiahna an patlangna kawngah an langsar nghal hle. Point guard Rakesh Sangwan chuan a theihna lantir a, point 13 a ni a. Sangwan ang bawka state pawn player Ravi Kant-a'n rebound a la hnem hle.
Hollow BBSP lam an zam bik lo a, naupang rual tamna ni mah se huaisen takin bul an ṭan a, inkhelh ṭan tirh lamah hmahruaitu nghe nghe. Hollow tan Zonunsanga a khel ṭha a, point 14 neiin a ni aia score tam an awm lo.
Hollow hian second quarter-a an chetsual an tuar a, huntawpah squad nei ṭha zawk Tuikual South an chak.
Quarter tina score dan
Qtr Hollow Tuikual South
First 15 9
Second 7 23
Third 19 20
Fourth 20 22
Total 61 74
Bethlehem pawh an chak
Inkhel hnuhnung zawkah player ṭha huikhawmtu leh sum seng nasa Bethlehem an che ṭha nghal a. First quarter-ah 30-9 in hma an hruai nghal a, Bethlehem tan point 18 score thei Lalhmachhuana a thawhhlawk hle. KK lamin an bul ṭan ṭhat loh an tuar a, point 22 neitu Malthantluanga'n a team chakpui zo lo mah se inkhelah player langsar ber zing ami a ni.
Fourth quarter-ah Bethlehem an che ṭha lo nachungin 73-62 in hnehna an chang tho.
Quarter tina score dan
Qtr KK Bethlehem
First 9 30
Second 13 12
Third 15 21
Fourth 25 10
Total 62 73