Vawiin-ah Chawnpui Vr4 an inlan dawn

Zarkawt Recreation Center-ah vawiin hian Mizoram Super League khelh chhunzawm ani dawn. Chhun dar 1:00-ah Tuikual South leh KK BC te an inkhel ang a, inkhel hnunhnung zawkah Chawnpui VR4-in Bethlehem BC an tum ve leh ang. VR4 hi an vawi khat inlanna tur a ni.

Tuikual South Vs KK BC

Tuikual South-ah state pawn player Rakesh Sangwan leh Ravi Kant te an inlan leh dawn. An khel hmuhnawm tak en duh chuan Babutlang pan a sual lo ang.

KK BC lamin an match hmasa bera Bethlehem an hneh loh avangin a sang pali zinga tel turin point hmuh an mamawh. Basketball-ah draw a awm lo, Malthantluanga leh a ṭhiante'n chak an mamawh.

Bethlehem BC vs Chawnpui VR4

Bethlehem-in fiahna hmasa ber an patlang dan a chiang tawk lo. KK an hneh ṭumin hun tawp lamah match ṭan tirha an game an pha lo, vawiinah hun tawp thlengin an ṭan tawh a rinawm. ARC aṭanga an lak HSK Tinku Singh a inlan a nih chuan hmuhnawm ang.

Chawnpui VR4 an inlan dawn. Anni hi nimin lam khan an awl a, vawiinah tha thar nen Bethlehem BC an hmachhawn ang.

Mizoram basketball history-a club hlun tak VR4 team dinhmun hi vawinah a hriat theih dawn a, an player ṭangkai tura beisei chu Kanan Veng tlangval K. Vanlalruata a ni.