El Shaarawy Kar ruk a chawl dawn

AC Milan an buai zual zel a, an player chhuanvawr Stephen El Shaarawy chu Lazio nen an inkhel ṭuma a kephah ruh tliak vangin kar ruk chhung an chhawr thei dawn lo. He inkhelah hian Milan hi 3-1 laiin an tlawm a ni.

Netherlands lamah El Shaarawy hi in entir turin a kal a, doctor te chuan kar ruk tal chawl turin thurawn an lo pe ani. Milan thuchhuah chuan, "kar ruk chhung chu El Shaarawy hi 'foot support' vuahin a kal anga, hemi hnua doctor te thurawn dan a zirin inkhel turin a lo kir leh thei ang," tiin thuchhuah an siam a ni.

El Shaarawy hi nikum chhung khan inhliam vangin a inkhel tam lo a, tun season ah Milan tan vawi 15 inlan tawhin goal khat chiah ala thun a ni.