Inter Milan-ah Brozovic a lut

Europe club lian te nena sawi zawm, Arsenal hel lai Marcelo Brozovic chuan loan in Inter Milan a zawm ta. Brozovic hma hian Inter hian Arsenal aṭangin Lukas Podolski leh Bayern Munich aṭangin Xherdan Shaqiri te an lo lalut tawh bawk a, manchester City manager hlui Roberto Mancini hnuaiah an ṭang hle.

Kum 22 mi Dinamo Zagreb midfielder hian Serie A club Inter hi season hnih chhung atan loan in a zawm a, Inter hian an duh chuan a nghetin an lalut thei ang.

World Cup 2014 ah pawh Croatia tana inlan Brozovic chuan,"Ka hlim rualin ka lungngai khawp mai, a chhan chu ka club ngainat em em Dinamo ka chhuahsan vang a ni. Hetah hian ṭhian ṭha tak tak ka nei a, ka ngai hlawm dawn hle. Mahse, club ṭha tak tana khel tur leh league sang zawka khel tura chhuak ka ni a, chona thar hmachhawn ka chak tawh a ni, " a ti bawk.

Marcelo Brozovic hi Dinamo Zagreb ah season hnih leh a chanve chamin league title vawihnih a lakpui hman a, Champions League leh Europa League ah te a khel bawk.