Parma-in Cassano contract titawp

28th January, 2015

Antonio Cassano chu a khelh mekna club Parma nen an inbiakrem hnuah a contract tihtawp a ni. Italian striker club nei loin a awm mek a, a duhna berah man nei loin a lut thei ang.

Parma website-a tarlan danin, "Parma chuan a player Antonio Cassano nen lungrual taka thutlukna a siam a, kan thutlukna chu club leh player inkara inremna tihtawp a ni," tiin a sawi.

Real Madrid, AC Milan, Inter Milan leh Roma tana khel tawh Cassano hian kum 2013 khan Parma a zawm a, Parma hi table mawngphahah an awm mek a ni.