Valdes-a fuihna thu a ṭha - Joyce

Victor Valdes chuan Manchester United tana a game hmasa ber a khelh hmain fuihna thu ṭha tak a sawi. Thawhṭanni khan United U21 team chuan Leigh Sports Village-ah Liverpool 2-1 in an hneh.

United under 21 boss Warren Joyce chuan, "Room-a kan awm laiin player-ten Valdes-a thuchah hi uluk takin an ngaithla a, rin phak bakin a sawi ṭha a, Guardiola aṭanga a zirchhuah a nih thu min hrilh," tiin a sawi a. Joyce hian Spanish goalkeeper chu mi innngaitlawm leh mithiam entawntlak tak a nih thu a sawi tel bawk.

Valdes hian player fuihna atan hian thusawi bakah American athlete Dick Hoyt a chanchin video a entir bawk. Kum 32-a upa Valdes hian a khup a tihnat avangin hun rei tak a chawl a, Barcelona-in a contract an pawhsei sak loh avangin club nei loin a awm chhunzawm bawk.

January transfer khan United hi free transfer-in a zawm a, first keeper David de Gea chet ṭhat avangin first team tan a la inlan lo.