Joel Campbell-a'n Villarreal a zawm

Arsenal striker Joel Campbell chuan Spanish club Villareal chu tun season khelh hmabak khel turin a zawm.

World Cup 2014-ah Campbell hi Costa Rica tan player pawimawh ni pha mah se London club tan hmun a chang tam lo. Kum 22-a upa Costa Rica striker hian Arsenal tan vawi khat chiah starting eleven a chang a, vawi 10 a inlan tawhin goal erawh a la khung lo.

Arsenal-in Campbell chhuah an phalna chhan hi Villarreal aṭanga defender Gabriel Paulista an lak theih nan a ni. London club hian Brazilian defender tan work permit an nei fel tawh a, tarlan danin pound maktaduai 15 man a ni a, official-a puan chian thuai a ni ang.