Bojan Krkic-a season a tawp

29th January, 2015

Stoke City FA Cup fifth round hruai thlengtu Bojan Krikic chuan inhliam vangin tun season-ah a inlan thei dawn tawh lo.

Thawhṭanni khan Stoke hian FA Cup-ah Rochdale 4-1 in an hneh a, goal hmahruai khungtu Bojan hi inhliam vangin darkar chanve hnu lekah thlak a ni. Spanish forward hian a khupah hliam na tak a tawrh avangin tun season chhung a chawlh a ngai dawn a ni.

Stoke City manager Mark Hughes chuan, "Bojan inhliam hi kan club tan a pawi em em a ni. A bik takin ama tan a pawi lehzual. A khelh ṭhat vanglai taka inhliam vanga hun rei tak a chawl tur hi a pawi a ni," tiin a sawi.

Tun season tir khan Stoke City hian pound maktaduai 1.8-in Bojan hi Barcelona aṭangin an la lut a, Potters tan hian goal nga a khung tawh.