BASKETBALL - NBA

Nilaini zing khan Chicago Bulls-in Warriors chak kaltluang record an titawp. Bulls hian Warriors hneh turin overtime khelh a ngai a, second sarih chiah a awm tawh tihin Derrick Rose-a'n chakna point a khung.

MVP pawh lo ni tawh Rose hian point 30 a nei a, Oracle Arena-ah a langsar hle. Warriors hian game 19 hnuah hneh loh an tawng a, Pacific Division-ah hmahruaitu an ni chhunzawm zel thung.

Rose chuan, "Team ṭha tak kaltluang lai kan hneh avangin kan phur takzet a, tunah chuan team engpawh kan hneh theih kan chiang," tiin inrintawkna an ngah phah sawt thu a sawi.