Roma-ah Yanga-Mbiwa a nghet

29th January, 2015

France international defender Mapou Yanga-Mbiwa chuan a nghetin AS Roma a zawm.

Yanga-Mbiwa hian nikum September thla khan Newcastle United aṭangin Roma chu loan-in a zawm a. A chetṭhat zui avangin Serie A-ah a cham zui dawn a, a man hi pound maktaduai 5.5 a ni.

Kum 25-a upa Yanga-Mbiwa hi French club Montpellier tan a khel ṭhin a, 2012-13 season khan Ligue 1-ah an champion. French club aṭangin Newcastle United a zawm a, Roma a zawm hma hian Premier League match 37 a khel hman.