Manchester United-in Fletcher an chhuah

Darren Fletcher-a'n hun rei tak a inhliam hnuah ngai a awh thei tawh lo a, Louis Van Gaal enkawlna hnuaiah khelhna hmun a chang pha meuh lo. Manchester United thuchhuak chuan Scottish captain hi tun season tawp thleng contract nei mah se Janaury bazarah transfer fee awm lo a, club dang zawm an phalsak.

Kum 30-a upa Fletcher hi a chhuah tur thuthang awm tirh aṭangin amah duhtu club thawm a ṭha nghal hle. A tir lamah Valencia-in lei an duh thu an chhuah hnuah thawm lian zawk Premier League club West Ham leh West Brom chuan thawm lian zawk an nei chhunzawm a, West Ham hian Scottish midfielder hi an chan theih ngei an ring.

West Ham manager Sam Allardyce chuan, "Fletcher hian thutlukna a siam velah mi zawng zawngin an hre thei ang. Thutlukna siam tura a hun mamawh zat ka hre lo a, kan sawmna angte a pawm a nih chuan keini chuan amah hi chu kan duh a ni," tiin a sawi.

Fletcher hian Van Gaal-a hnuaiah vawi 12 a inlan tawh a, starting eleven-ah ṭum li chiah a la tel a. Chhuah an phalsakna chhan hi Dutch manager plan-a a telh tawh loh vang a ni.

Fletcher hian Old Trafford-ah school naupang a nih lai aṭangin hun a hmang ṭan a, kum 12 a nihin United hi a zawm.

Manchester United tan vawi 342 zet a inlan tawh a, Premier League title panga a lak pui a, Champions League-ah ṭum khat a champion pui bawk.