FC Dallas-ah Essien a lut dawn lo

Tunhnaiah MLS club FC Dallas-in Michael Essien lak luh an tum ang a sawi chu Dallas technical director Fernando Clavijo chuan thuthang dik lo a nih thu a sawi.

AC Milan midfielder Essien hi tun season tawpah a contract tawp dawn a, Italian media chuan FC Dallas zawm tur angin an resport nasa hle. Amaherawhchu Dallas technical director meuh a ṭawngchhuah takah chuan club dang a melh a ṭul dawn a ni.

Kum 32-a upa Ghana lam chhuak Essien hi a vanglai chuan khawvela midfielder ṭha ber pawl a ni a, Chelsea leh Real Madrid tan pawh a khel tawh. Filippo Inzaghi enkawlna hnuaiah Milan tan hmun a chang pha lo a, Serie A match ngaah chiah starting eleven a chang pha a, a contract hi an pawhsei sak a rinawm loh.