Champhaiah Mizoram Indigenous Games

Tualchhung infiamna chi hrang hrang hmanga inelna 'Mizoram Indigenous Games 2024' kal zelah, vawiin leh naktuk hian Champhaiah inelna neih a ni dawn. Doordarshan Kendra Aizawl chuan YouTube lamah a tichhuak ang.

Inelna hi Doordarshan Kendra Aizawl buatsaih niin, nikum khan Doordarshan Directorate aṭangin project pakhat ‘Broadcasting Infrastructure & Network Development’ (BIND) a siam a, a sum tumtu pawh BIND hi a ni.

Kumin February thla aṭang khan Mizoram Indigenous Games 2024 hi buatsaih a ni a. DDK chuan inelna hi a huapzau thei ang bera tih a duh a, chuvang chuan Mizoram Indigenous Games Association te phungbawmah a sawm. Central YMA te nena hma la ho bawkin, ram puma branch hrang hrangten inelna an hmachhawn ta ṭhin a ni.

Inelna hi district hrang hrangah neih niin, a hmasa ber chu kumin February thla khan Serchhipah neih a ni. Hemi hnu hian - Khawzawl (March 19-20), Saitual (March 21-22), Mamit (May 2-3), Kolasib (May 9-10) leh Hnahthial (June 20-21) ah te neih a ni tawh.

Tun ṭuma neih tur Champhai hnuah hian Siaha, Lawngtlai leh Lunglei bakah kumin October thla hian Aizawlah neih a ni ang a, chumi hnuah district hrang hrangte inelna 'State Level Grand Finale' buatsaih a ni bawk ang.