Fabregas a chiang lo

Inrinni hian Premier League hmahruaitu Chelsea leh an hnuai chiaha awm Manchester City an inkhel dawn a. Blues midfielder pawimawh Cesc Fabregas chu inhliam vangin inlan thei lo dinhmunah a ding.

Thawhlehni zan khan League Cup semifinal-ah Chelsea-in Liverpool hnehin final an lut a, minute 50-naah Fabregas-a aiah Ramires luh tir a ni.

Chelsea boss Jose Mourinho chuan, "Fabregas kan lakchhuah chhan kha a malpui tha tawm vang a ni a, inhliam thei dinhmuna a din avangin kan lachhuak a ni," tiin a sawi.

Spanish midfielder bakah hian defender Filipe Luis chu a chawnah (calf) harsatna a neih avangin lakchhuah a ni a, chakna goal khungtu Branislav Ivanovic pawhin a keah harsatna a nei bawk.