Mourinho an hrem

Chelsea manager Jose Mourinho chu referee chungchanga a ṭawngtam hret avangin FA-in £25,000 an chawi tir.

December 28 khan Premier League-ah Chelsea leh Southampton te chu 1-1 in an inhneh­tawk. Mourinho chuan inkhelh banah, "Media, commentator te leh mana­ger dangte'n Chelsea-in point an hloh theih nan referee pressure an pe tih ka hria, pawi ka ti lo. Mi zawng zawngin penalty tur a ni tih an hria," tiin referee Anthony Taylor-a'n Spanish midfielder Cesc Fabregas penalty pe lo a, yellow card a pek chungchang a sawi.

FA chuan Portuguese manager ṭawngkam hi mawi lo leh game zah lohnaah ngaiin an hrem ta ni.