Cuadrado man a tlawm dawn lo

Fiorentina coach Vincenzo Montella chuan Premier league hmahruaitu Chelsea hel lai an winger Juan Cuadrado chu man tlawm taka chhuah tir an tum loh thu a sawi.

Colombian winger Juan Cuadrado hi nikum World Cup ah khan a chet ṭhat avangin Manchester United leh Barcelona te pawn lei an lo tum tawh a, tunhnai ah Chelsea hian an beisei ve leh avangin Fiorentina coach hi a man chungchangah a ṭawng chhuak ta a ni.

Kum 26 mi Colom­bian winger hian June 2019 thleng contract nei mahse, a contract ang chuan lei duhtu an awm chuan pound maktaduai 35 an sen a ngai ang tih a ni. Chelsea hian an duh tak tak a nih chuan sum an sen ngei ṭul ang.

Cuadrado hian tun season ah Serie A-ah Fiorentina tan vawi 17 khel tawhin goal li a khung a, vawi thum a ṭhian-te tan goal thun tur a siam sak tawh bawk.