MSL Playoff a hmuhnawm tulh tulh Vawiinah Zarkawt Recreation Center a lun leh dawn

Mizoram Super League Playoff-ah BC Bethlehem hnehtu Tuikual South-in semifinal an lut. Playoff league stage zo turin ni hnih chiah a ngai tawh.

Vawiin chawhnu dar 1:00-ah Chawnpui VR4 leh hmahruaitu Tuikual South an inkhel dawn. Tuikual hian knockout stage lut tawh mah se vawiin inkhelin semifinal-a an khingpui tur a hril theih avangin an ti mai mai lo ang.

Tlai dar 3:00-ah table hnuai lama awm Hollow BBSP leh KK BC te an inkhel ve leh ang. Hneh la nei lo team pahnih inkara chak zawk zawk hian semifinal an lut ngei a rinawm. Chuvangin inkhel hnuhnung zawk hi thih leh dam inkhel a ni.

Nimin khan Zarkawt Recreation Center-a inkhelah Tuikual South-in an elpui ber tura ngaih BC Bethlehem chu 86-83 in an hneh a. MSL khel tura rinkai pahnih hi quarter tinah an inhnehtawk. Bethlehem tan ARC player RL Famkima'n point 24 a nei pha hial a, Tinku Singh pawhin point 22 a nei ve bawk. Tuikual erawh team pumpui an che ṭha a, ṭum dang ang bawkin captain Laldinthara'n inkhel a kaihruai ṭha leh hle.

Inkhel hnunghnung zawkah Chawnpui VR4-in Hollow BBSP hneh turin overtime an mamawh a, hun tawpah Chawnpui 75-67 in an chak hram. Chawnpui hian ṭum hnih an khelh tawhah an la chak ve ve a, Playoff-ah anni leh Tuikual chiah an la chak vek. Samuel Lalthazuala kaihruaina khel Hollow BBSP-in match tinah hma an sawn a, B. Lalṭhazuala'n lai nei mah se hnehna an chang pha chuang lo.

Team Dinhmun
# Team                       Pld       W          L          Pts        SF         SA        SA
1 Tuikual South BC        3         3          0          6          242       211       1.15
2 Chawnpui VR4           2         2          0          4          150       130        1.15
3 BC Bethlehem           3          1         2      4          219       223        0.98
4 Hollow BBSP             2          0          2           2          128      149        0.86
5 KK Basketball Club    2          0          2           2          129      155        0.83

NIMIN Result kimchang

Tuikual South          QTR            Bethlehem
     20                      1st                  22
     21                      2nd                 20
     25                      3rd                  21
     20                      4th                  20
     86                    TOTAL               83

Tuikual South
Rakesh                        17 pts
Vanchuangpuia            15 pts
Laldinthara                 13 pts

BC Bethlehem
RL Famkima               24 pts
Tinku Singh               22 pts
Lalrinnunga              12 pts

Chawnpui VR4             QTR          Hollow BBSP
      10                          1st                  9
      13                          2nd                13
      15                          3rd                18
      23                          4th                21
      14                          OT                  6
      75                         TOTAL             67

Chawnpui VR4
Lalnunmawia          21 pts
C. Lachhanhima      15 pts
Lalchhuanawma      14 pts
K. Vanlalruata         14 pts

Holow BBSP
B. Lalthazuala         27 pts
Samuel Lalthazuala 12 pts
Malsawmkima         12 pts
Zonunsanga             5 pts