Match hnih khel thei lo tur Cristiano Ronaldo

Cristiano Ronaldo chu Inrinni a La Liga match an khelh ṭuma mawi lo taka a chet avangin match hnih khel thei lo tura hrem a ni.

Inrinni La Liga match a Real Madrid leh Cordoba an intum ṭumin Ronaldo hian Cordoba defender Edimar a pet lui a, a chet dan mawi lo tak avang hian hnawh chhuah a ni. Ronaldo hian inkhelh zawhah twitter lamah thupha chawina a tichhuak tawh a, Ronaldo kutthlak tuartu Brazilian defender Edimar thung chuan Ronaldo chu inhremna pangngai bak pek ṭul a tih loh thu a sawi thung.

Ronaldo hian La liga a Real Sociedad leh Sevilla an tum hunah a khel thei dawn lo a, February 7 a Atletico Madrid nen Vicente Calderon a Madrid derby an khelh hun-ah a khel thei tawh thung ang.