Villa-in manager ban an tum lo

Club chet ṭhat loh avangin Aston Villa supporter-te'n manager Paul Lambert ban duh mah se club chief executive Tom Fox chuan ban an tum loh thu a sawi.

Villa chief executive Fox chuan, "Beisei ang result thlen loh velah fan-te'n manager ban mai an duh leh ṭhin. Ngaihtuahna dik tawk loh vang a ni a, supporter-te ngaihdan hi kei leh club-te'n kan ṭawmpui lo," tiin a sawi.

Fox chuan sawi chhunzawmin, "Football hi sumdawnna mak danglam tak niin ka hre ṭhin. A tawpah manager bawk thiam loh chantirin kan mawhpuh leh luih luih a, kalphung dik lo tak a ni. Lambert hi ban a hnekin kan theihna zawng zawngin kan ṭawiawm zawk ang. Kan thutlukna hi dikin kan hria," a ti.

Aston Villa hi league table-ah 15-naah an awm mek a, relegation zone nena an inkarah point thum chauh a awm.